Yaadein hai kuch un dino ki...

Yaadein hai kuch un dino ki -
Motorcycle tez chalana aur achanak brake lagana,
Darr ke mujhse tumhara lipat jaana aur jhoothmooth ka ruthna.
Tumhe manane ke liye mera gaana gaana aur
Besuri shaam se bachne ke liye tumhara turant maan jaana.
Raat ki kaali chaadar par jadi chandni booti ginana
Aur jugnoo-on ke desh ka raaz khojna!
Raat bhar tumhari aawaz sunane ke liye jagna,
Subah tumhare chehre ko hothon pe sajake sona.

Kuch jyada badle to nahi hai aaj din
Bas,
Un dino aankhon ka rang thoda halka tha apna,
Kuch safed khwabon ki shayad milavat thi unme.